Пачаў разглядаць эрганамічныя клавіятуры, асабліва тыя што завуцца спліт, і бок раздзялённыя на дзве паловы. На звычайнай клавіятуры неяк адчуваецца што рукам не камфортна пад прамым вуглом, хочацца неяк іх рассунуць крыху адну ад другой.
Знайшоў даволі цікавы варыянт - клавіятура Totem, 36 клавіш, раздельная, open source з магчымасцю заказаць усе запчасткі ці з адной пляцоўкі ці дзе падабаецца.
А так як у першую чаргу мне захацелася зрабіць нешта сваімі рукамі, то я абраў варыянт рабіць усё самому. Для гэтага я па-першае заказаў на Aliexpress паяльнік і ўсялякія аксэсуары да яго. Таксама там жа заказаў розныя наборы для навучання гэтаму рэмяслу - платкі з SMD кампанентамі, якія трэба было туды прыпайваць.
Пасля невялікай падрыхтоўцы калі пачало больш менш атрымлівацца, я пачаў збіраць і сваю клавіятуру.
Самі платы і корпус заказаў на JLCPCB, мікракантролеры напрамую у вытворцы, а акумулятары знайшоў на нейкім мне невядомым сайце. Астатнія дэталі зноў жа з Aliexpress.
Корпус заказаў шэры, стандартны, але з-за таго што шрубкі ў мяне чорныя, гэта бы не вельмі добра глядзелася, як мне здаецца. Таму яшчэ набыў балончыкі з грунтам і чорнай фарбай.
Вось нарэшце ўсё прыехала і можна шукаць час каб усё гэта разам сабраць.